Menu

De chat is beschikbaar van maandag tot en met vrijdag tussen 13:00 en 16:00 uur. Is de chat offline? Bekijk onze Veelgestelde vragen of stel uw vraag via ons contactformulier.

Beeldbank

De beeldbank is een verzamelplek met al ons gedigitaliseerd beeldmateriaal dat wij online mogen publiceren. Denk hierbij aan onder andere foto’s, video’s, prenten, kaarten, affiches, ansichtkaarten en zegels. Sommige afbeeldingen zijn door de auteursrechten alleen ter inzage op onze studiezaal.

Zoeken door de beeldbank: Met de zoekbalk hieronder kunt u op trefwoord zoeken door ons beeldmateriaal. Onder deze zoekbalk kunt u filters instellen, bijvoorbeeld op het soort beeldmateriaal. Voor meer zoek- en filtermogelijkheden per materiaalsoort gaat u naar: Affiches, Films en filmfragmenten, Foto's, Kaarten, Prenten, Prentbriefkaarten, Zegels.

Uw zoekacties: St. Nicolai Broederschap te Arnhem 1

2072 St. Nicolai Broederschap te Arnhem 1

Archieftoegang

Hier vindt u de inventaris van een archieftoegang. Hierin staat beschreven welke stukken zich in dit archief bevinden. 
 
Het nummer dat voor de titel van het archief staat is het toegangsnummer van dit archief. Het nummer dat voor de beschrijving van een stuk staat is het inventarisnummer. 
  • Bij ‘Kenmerken’ vindt u algemene informatie over dit archief
  • Bij ‘Inleiding’ vindt u achtergrondinformatie over dit archief, denk hierbij aan de openbaarheid, de archiefvormer en de oorsprong en opbouw van het archief.
  • Bij ‘Inventaris’ vindt u de lijst met beschrijvingen van stukken die zich in dit archief bevinden. 

Hoe zoekt u door een archieftoegang?

Klik op de zoekbalk links bovenin en voer uw zoekterm(en) in. Klik vervolgens op ‘zoek’.
Onder ‘Gevonden archiefstukken’ verschijnen de beschrijvingen van stukken uit dit archief waar deze term in voorkomt. Om te zien in welk deel van het archief deze stukken zitten klikt u op ‘Inventaris’. Dor telkens te klikken op het woord/de woorden die vetgedrukt worden weergegeven komt u uit bij de (met geel gemarkeerde) zoektermen. 

Welke archieftoegangen heeft het Gelders Archief?

Bekijk het Archievenoverzicht  om te zien welke archieven zich in het Gelders Archief bevinden. Deze zijn niet allemaal geïnventariseerd en beschikbaar voor inzage. Als er geen inventarislijst beschikbaar is, is dit archief helaas nog niet in te zien. 
 

 

beacon
 
 
Inleiding
1. Aanwijzingen voor het gebruik
2. Geschiedenis van de archiefvormer
3. Het archief
4. Literatuur
5. Bijlagen
5.1 Statuten en ordonnantiën
N.B. Inv.no. 89, reg.no. 61.
In dorso: Dy ordinancy van der Bruders[cap] en Statuten en ordonnantiën der Broederschap van St. Nicolaes 1387.
2072 St. Nicolai Broederschap te Arnhem 1
Inleiding
5. Bijlagen
5.1
Statuten en ordonnantiën
N.B. Inv.no. 89, reg.no. 61.
In dorso: Dy ordinancy van der Bruders[cap] en Statuten en ordonnantiën der Broederschap van St. Nicolaes 1387.
Wij ghildemeysteren, huysmeysteren ende raetslude van Sante-Nycolaeshuse t' Arnhem doen kont ende kenlic allen luden die desen brief zoelen sien of horen lesen dat wij om ons Heren Goedes wille ende Sancte Marien, sijnre liever moeder, ende des goeden Sancte Nycolaes bij onsen goeden voersatighen rade, consent ende eendrachticheyt onser gemeenre ghesellen, ende nae ons selves goedunken om onser zielen zelicheyt ende al dergheenre die na ons aen onser bruederscap comen moeghen, hebben ghemaket ende gheset, maken ende setten, statuten ende punten oft previlegien tot ons huys behoef des goeden Sancte Nycolaes voerghenoemt, die hier altehant nae bescreven volghen:

Dats te weten, inden eersten, dat wij ghelaeft ende ghezekert hebben, ende gheloven ende zekeren, wal te doen ende trouwe te sijn onsen huse ende daer niet teghens te doen in ghenen zaken die den huse voerseit scadelic moeghen wesen, mer altijt des goedshuys voerseide goet te verbeteren na onser macht.

Ten anderen mael soe hebben wij ghemeenlic ghemaket ende ghesat, maken ende setten, dat wij soelen kyesen ende setten twee ghildemeysteren, twee huysmeysteren ende twee raetslude die alleweghe onsen huys des goeden Sancte Nycolaes t' Arnhem mit allen sijn toebehoeren ende renten regyeren, voersien ende verwaren suelen mit raede ses goeder luden van onsen ghesellen, die wij alle jaer tot ons nemen ende kyesen zuelen, die ons dunken nae all onsen vijf synnen onsen huse voerscreven alre orberlixte te wesen, noch niet te doen noch te laten buten hem daer unsen huse voerscreven groete ende reckelic macht aen leghe. Ende opdattet claer ende openbaer sij, soe is dit die custume ende maniere te kyesen dese ses oeversthe, dat men heet ghildemeyster, huysmeyster ende raetslude:
Wanneer die brueder te samen hebben ghegheten *  op enen dach dien sij gheraemtt hebben, soe suelen die ses oeversthe te samen gaen ende kyesen dre nye amptlude ende drie zuelen daer af gaen, dat is te verstaen claerlic dat ellic sal bliven aen sijnen ampt twe jaer, ende jaerlix drie af gaen die 't twe jaer verwaert hebben. Ende bij deser kyesinghe mach men nemen die ses persoen die ghecoren sijn mede te raden den ghildemeysteren, huysmeysteren ende den raetsluden; ende wij willen dat dese kyesinghe ende koer gescye sonder vertreec op den dach dat die brueders *  te samen sullen eten, hetsij op Sancter-Nycolaesdach ofte nae. Ende aldus sal 't voert bliven in manyeren als voerscreven steet.

Voert soe setten wij dat wij ghildemeyster, huysmeyster ende raetlude die wij nu ter tijt hebben of die hier naemaels setten of kyesen zuelen oft moeghen, dat wij enighs *  jaers of toe enigher tijt engheenrehande renten copen noch vercopen en moghen, noch en soelen, noch te verwisselen, noch te versetten, noch in gheenrehande wijs vervreemden, tensij bij ses personen van onsen ghesellen die daertoe ghecoren ofte gheroepen sijn ofte die wij toe ons nemen; dan wes wij deden under ons tweleeft, dat soude stanachtich bliven buten yemant van ons allen ghemeenen ghesellen die nu sijn of die wij hierna crighen oft aennemen.
Voert soe hebben wij ghesat ende setten: so were dat yemant van ons allen ghemeynen ghesellen, die nu sijn of hiernae crighen moghen, verarmde, dat God verbieden moet, alsoe dat onsen ghildemeysteren, huysmeysteren ende raetsluden die dan der tijt weren, mit ses personen van onsen ghesellen ofte mitten meesten hoep van onsen bruderen duchte dats hem noet were ende hij 's aen ons sonne ende begheerde, soe souden wij hem gheven van ons huys goede voerscreven alle daghe tot sijnre cost sestien pennighe cleyn ende huyswestinghe in unsen huse mit beddinghe ende ander vordel ghelijc als die ander armen hebben, soe wy es begheert van onsen bruederen indien dat hij 's noet hedde als voerscreven is.

Voert soe hebben wij ghesat ende willen ghemeenlic voer vast houden dat alsoe langhe als unser twee ende derttich persone sijn levende, dat wij daerboven nummermeer en gheen ghesellen meer aen en soelen nemen aen unser gheselscap, ten were dat unsen huys tot Sancte Nycolaes voerscreven alsoe daer afgheteert wesen mochte dat onse huys voerscreven daer reckelic mede beholpen ende ghebeteert wesen soude. Voert so set wij *  , weer 't zake dat unsen huse to Sancte Nycolaes voerscreven van yemant enighen last, wederstoet oft hynder *  queme, dat weer van gheesteliker zaken of van weerliken zaken, 't weere mit recht oft mit onrecht, dat souden wij alle verantwoerden ende wederstaen ghelijckerwijs oft ons allen selven aenghinghe, sonder enich wedersegghen van yemant van uns allen.
Voert soe set wij ende willen ghehalden hebben, nu ende voertmeer, dat unse huysmeyster alle jaer zuelen rekeninghe doen ende des huys ghestant ende renten oevergheven, bescreven in eenre cedel oft boeke onsen anderen ghildemeysteren, huysmeysteren ende raetsluden ende den ses personen van unsen ghesellen die wij tot ons nemen of kyesen binnen acht daghen nae Sancte-Nycolaesdaghe of acht daghe dat die brueders tesamen ghegheten hebben als voerscreven is. *  Ende wat sij aen ghelde hebben dat soelen sij oevergheven onsen huysmeysteren die dan des jaers soelen wesen ende daertoe ghecoren sijn als voerseit is, sonder vertrec ende arghelist.

Voert soe is unse ghewoent dat of unser enich storve of yemant van unsen vrouwen ofte unsen ghesinde *  , dat souden unse huysmeystere laten weten onsen ghemeynen ghesellen die binnen Arnhem weren. Die souden dan comen ende helpen se averluden end ter aerde bestaden ende souden comen to oere beghennesse under eenre penen van ses cleynre penninghe. Ende wye van ons die ses penninghe voerseit verloren hedde, die soude se betalen ende gheven unsen ghildemeysteren onghemaent, op Sancter-Nycolaesdach of daernae, wanneer wij tesamen eten, sonder wedersegghen of kijf.

Voert soe is ons wille dat wanneer onse oeversthe die daer ghesat sijn van unsen ghilde als voerseit is, of yemant die sij daerto setten, ons bruederen deden byeden alghemeyn of yemant sonderlinghe um raet te nemen die den huse aenginghe, soe wye daerbij nyet en queme, daer sal men van nemen ses penninghe cleyn alsoe ducke als hij dat versumede, sonder wedersegghen.
Voert soe ist unse ghesat ende ghewoent dat onse levende brueders, wanneer unser bruders enich doet is, soelen spreken of sij priesters sijn ofte doen spreken voer die ziel van onsen doden gheselle dre sielmissen dat hem unsen Heer God ghenedich moet wesen. * 

Voert soe setten wij dat unse kinder unser bruederen die wij nu hebben of crighen moeghen aen unse gheselscap gaen moeghen wanneer sij 's begheerende sijn, oft onsen ghildemeysteren, huysmeysteren ende raetsluden die dan ter tijt sijn dunket dat sij nutte ende goet daertoe sijn voer yemant vremde, beholden alle statuten ende rechten die voerscreven sijn mit een pont was ende een pont ghelts cleeyn penninghe also t' Arnhem in der stat ghenghe ende gheve is; ende dit mach een yegelic verbeteren nadien dat hij unsen huse voerseit goet doen wil. * 

Voert soe set wij of yemant van unsen ghesellen die wij nu hebben of hiemae aennemen to meerre staet queme oft gheroepen worde, alse to priesterscap ofte in scependom ofte in richter ofte to wat stade dattet were, die en soude niet openbaren van unsen statuten ofte ghewoenten die wij heymelic ofte openbaer under ons hedden, in gheenre manieren dat ons sceedelic mocht wesen.
Voert soe is unse maniere ende ghewoent, ende willen voert gheholden hebben dat twe die leste van unsen bruederen die ontfanghen worden aen unsen ghilde, die sullen bidden inder Older Kerken als ghewoenlic is to Paeschen, Pinxteren ende Middewinter ende in unsen huse, wanneer daer Kermmisse is.
Ende of daer enich in unser vrijheyt niet en weer, die soude enen anderen van onsen bruederen bidden of also lieve doen, die voer hem die bede voerscreven dede. Ende wye wij aennemen, die soelen ghelaeven ende ghezekeren in allen manyeren alse unse sedel ende brieve inhouden, die wij hebben in unsen huse, sprekende van statuten ende punten die daerop ghemaket sijn.

Voert soe wat wij aldus ghesat hebben, dat is unse wille dattet sij ter eeren Goeds ende des goeden Sante Nycolaes ende ummer in behoef der armen, behalden ellickermalc sijns rechts in desen voerseiden punten alsij voergheset sijn sonder ferpel ende arghelist.

Hierum soe hebben wij alle ghemeenlic ende een yeghelic ghezekert ende zekeren, gheloeft ende gheloeven in goeden trouwen alle dese statuten ende punten voerscreven vast ende stede ende onverbreckelic te halden sonder arghelijst.

In orkonde ende stedicheyt dat wij dit begheeren te houden voer ons ende voer uns naecomelinghe, soe hebben wij uns huyszeghel van Sancte Nycolaes tot Arnhem um een ewich ghedechtenisse aen desen apenen brieve ghehanghen. Ghegheven in jaer uns Heren dusent drehondert seven ende tachtentich op Unser Vrouwenavont als men scrijft Nativitas.
5.2 De "francijne rol"
N.B. Inv.no. 94.

Kenmerken

Datering:
1352-1892
Auteur:
P.R.A. van Iddekinge
 
 
 

Contact

location Westervoortsedijk 67-D
     6827 AT Arnhem
     (parkeerplaats aan de
     Mercatorweg)

E-mail Contactformulier
Telefoon  Telefoon
calender2 Openingstijden studiezaal